Yuklab olish"Real Madrid"ning ispaniyalik sardori Dani Karvaxal klub prezidenti Florentino Peresning ishini baholadi.
"Bu eng yaxshi prezident. U infratuzilmani, stadionni yaxshilash uchun hamma narsani qildi, transferlar orqali moliyaviy barqarorlikka erishdi, u klubning etakchisi va mutlaq xo'jayini.
Hech kim prezidentdan yuqori bo'lmasligi juda muhim va uning "Real"dagi faoliyati haqiqatan ham hayratlanarli", - dedi Karvaxal The Athletic bilan suhbatda.
Eslatib o'tamiz, Florentino Peres ilk bor 2000 yilda "Real" prezidenti bo'lgan. 2009 yildan beri Peres boshchiligida klub 5 karra Ispaniya chempioni bo'ldi, 6 marta Chempionlar ligasida g'olib chiqdi va besh marta UEFA Superkubogini qo'lga kiritdi. Bundan tashqari, klub uch marta Ispaniya kubogini qo'lga kiritgan, besh marta mamlakat Superkubogini qo'lga kiritgan, shuningdek, besh marta klublar o'rtasidagi jahon chempionatida g'olib chiqqan. Shu yilning aprel oyida Peres yana klub prezidenti etib tayinlandi va u 2025 yilgacha bu lavozimda qoladi.
Online
Bosh sahifaga