Madridning “Real” klubi hujumchisi Kilian Mbappe Frantsiya futbol federatsiyasi orqali Frantsiya ligasi va UEFA huquqiy komissiyasiga murojaat qilib, o'zi avval o'ynagan “PSJ”dan eski shartnomasi bo'yicha 55 million evro qarzini to'lashni talab qildi.
Bu haqda Marca xabar bermoqda. Shuningdek, futbolchining advokatlari to'lovlarni samarali amalga oshirish uchun Frantsiya klubining asosiy aktsiyadori Qatar Sports Investmentni nishonga olishga harakat qilayotgani ma'lum qilingan.
Manbaga ko'ra, talab qilinadigan summaga futbolchining fevral oyida olishi kerak bo'lgan shartnoma imzolash bonusining oxirgi uchdan bir qismi, uning shartnomasida ko'rsatilgan oxirgi uch oylik maoshi kiradi.
Ma'lum qilinishicha, futbolchining atrofidagilar o'z huquqlarini himoya qilish maqsadida professional futbol nizomining 259-moddasiga amal qilmoqda. Ushbu moddada aytilishicha, klublar shartnoma tuzgan o'yinchilarning maoshlarini umumiy qonunchilik shartlariga muvofiq har oyning oxirgi kunidan kechiktirmay to'lashlari shart.