RASMAN: "Borussiya"ga qarshi bahsni Byorn Kyupers boshqarib boradi

Yevropa futbol ittifoqi (UEFA) hakamlar qo'mitasi chempionlar ligasining guruh bosqich 2-tur uchrashuvlariga hakamlar tayinladi.

H guruhidan o'rin olgan "Borussiya Dortmund" va "Real Madrid" o'rtasidagi turning markaziy uchrashuvlaridan birini Gollandiyalik taniqli referi Byorn Kyupers boshchiligidagi hakamlar brigadasi boshqarib boradigan bo'ldi.

Ushbu uchrashuv Kyupers uchun "Real" ishtirokidagi 4-bahsga aylanadi. Bungacha u 2011-12 mavsumida "SSKA"ga qarshi (1:1) Moskvadagi , 2012-13 mavsumida "Borussiya"ga qarshi (4:1 mag'lubiyat) aynan "Signal Iduna Park"dagi hamda 2013-14 mavsum finalida "Atletiko"ga qarshi (4:1 g'alaba) bahslarni boshqarib borgan edi.

Ealatib o'tamiz, uchrashuv seshanba oqshomida Toshkent vaqti bilan 23:45 da Dortmunddagi "Signal Iduna Park" stadionida bo'lib o'tadi.

RealBlancos