"Real"ning o'ng qanot himoyachisi Lukas Vaskes "Santyago Bernabeu"da qolish umidini uzgani yo'q. The Athletic xabariga ko'ra, "qirollik klubi" hali futbolchiga yangi shartnoma taklif qilmagan, biroq Lukasning o'zi Karlo Anchelotti jamoasida qolishni istaydi.
Manbaning xabar berishicha, Vaskes "Real"dan yangi shartnoma bo'yicha taklifni so'nggi daqiqagacha kutish niyatida. Eslatib o'tamiz, ispaniyalikning amaldagi shartnomasi joriy mavsum oxirida yakuniga etadi.
Qayd etilishicha, o'tgan yozda A Seriya klublari Vaskesni qo'lga kiritishga harakat qilishgan. Ehtimol, 32 yoshli himoyachi keyingi mavsumda Italiyaga yo'l olishi mumkin.