"Real" safarda gol kiritish borasida La Liga rekordini qayd etdi

Kecha La Liga doirasida "Selta" darvozasiga safarda 4 gol kiritgan "Qirollik klubi" musobaqa tarixida yangi rekord qayd etdilar.

Gap shundaki, Zinedin Zidan shogirdlari joriy mavsum primeroning safar uchrashuvlarida 56 bor mezbonlar darvozasini ishg'ol etishga erishdilar va 2014/15 mavsumida Karlo Anchelotti boshchiligida o'zlari tomonlaridan o'rnatilgan 53 golli rekordni yangiladilar. Yodingizda bo'lsa, 2 mavsum avval jamoa Don Karlo boshchiligida "Barselona"ning safarda kiritilgan 52 gollik rekordini ortda qoldirgan edilar.

Eslatib o'tamiz, Madridliklar so'nggi turni yana safarda o'tkazadilar va 56 gollik natijani yaxshilash imkoni bor. "Barselona" esa joriy mavsum ham safarda 52 gol kiritishga erishdi va ular hisobida joriy mavsum ushbu natijani yaxshilash imkoni mavjud emas. Ular so'nggi turni o'z maydonlarida o'tkazadilar.

RealBlancos