Yuklab olish"Manchester Siti" ustidan surishtiruv ishlari olib borilmoqda. Dushanba kuni Premer-liga klub tomonidan sodir etilishi mumkin bo'lgan 100 dan ortiq moliyaviy qoidabuzarliklar ro'yxatini e'lon qildi. Ma'lumotlar maxsus komissiyaga topshirildi.
"Manchester Siti"dan ochko olib qo'yilishi, hattoki Premer-ligadan chetlatilishi kutilmoqda. Madridning "Real" klubi "Manchester Siti" o'yinchilarining sotilishini kutgan holda vaziyatni diqqat bilan kuzatib bormoqda. Bu holatda madridliklar Erling Xolandni qo'lga kiritishga harakat qiladi. Fichajes nashrining xabariga ko'ra, "qaymoqranglilar" Xolandni Karim Benzema o'rniga ideal voris siftida ko'rmoqda.
Avvalroq matbuotda "Manchester Siti"da Erling Xoland va Xosep Gvardiola o'rtasidagi munosabatlar darz ketgan bo'lishi mumkinligi haqida ma'lumotlar paydo bo'lgandi.
Transfermarkt portali 22 yoshli Erling Xolandni 170 million evroga baholagan.
Online
Bosh sahifaga