Yuklab olishBugun Evropa Chempionlar Ligasi guruh bosqichida qolgan 4 guruhda ham ilk uchrashuvlar o'tkaziladi. Tribuna.Uz juftliklarning o'ziga xos statistik ko'rsatkichlarini e'tiboringizga havola qiladi.
REAL - APOEL (23:45)
- Bu ikki raqib 2011/12 EChL chorak finalida to'qnash kelishgan. O'shanda madridliklar umumiy 8:2 hisobida g'alaba qozongan.
- EChL da atigi 20 o'yinda jamoasini maydonga boshlab tushgan Zayniddin Zidan 2 marta ushbu turnirda g'olib chiqishga ulgurdi. Hech qaysi murabbiy shu paytgacha qatorasiga 3 marotaba g'olib bo'la olmagan.
- «Real» nafaqat EChLda, balki barcha musobaqalarning har bir o'yinida gol urib kelmoqda. Jamoaning so'nggi golsiz o'yini salkam bir yarim yil oldin EChL 2015/16 yarim finalida «Manchester Siti» (0:0) ga qarshi uchrashuv bo'lgandi.
- «Real» o'z guruhidagi barcha klub bilan EChL pley-offlarida o'ynagan.
TOTTENHEM - BORUSSIYa DORTMUND (23:45, Match! Futbol 1)
- Jamoalar ilgari faqat bir marta, 2015/16 Evropa Ligasi nimchorak finalida to'qnash kelishgan. Ikki o'yin natijasiga ko'ra, nemis jamoasi 5:1 hisobida ustun kelgandi.
- «Tottenhem» Evropa Chempionlar Ligasidagi so'nggi 9 o'yinning atigi 2tasida g'alaba qozongan. Ikki durang va besh mag'lubiyat. Shuningdek, «Uembli»dagi oxirgi 3 EChL o'yinida bir marta raqibdan ustun kelgan.
- «Tottenhem» o'tgan EChL guruh o'yinlarida boshqa bir nemis jamoasi «Bayer»dan qolib ketgandi.
FEYENOORD - MANChESTER SITI (23:45, Match! Nash Sport)
- «Manchester Siti» shu paytgacha ishtirok etgan 36 guruh o'yinlarining birortasida 0:0 qayd etilmagan. Umuman bu 36 o'yinning atigi 5tasida manchesterliklar o'z darvozasini daxlsiz saqlay olishgan.
- Serxio Aguero EChLdagi oxirgi 12 o'yinning atigi 2tasida raqib darvozasini ishg'ol qila olgan xolos. Ammo u ushbu ikki o'yinda 5 gol urgan. Umuman, Aguero jamoaning turnirdagi to'purari sanaladi — 40 o'yinda 22 gol.
ShAXTYoR - NAPOLI (23:45, Match! Futbol 2)
- «Napoli» etakchisi Dres Mertens jamoasining EChLdagi so'nggi 10 golining 7tasida ishtirok etgan — 5 gol va 2 assist.
- «Shaxtyor» ushbu turnirdagi oxirgi 10 uchrashuvning atigi bittasida g'alaba qozongan. Ushbu g'alaba 2015 yilda «Malmyo» ustidan (4:0) qo'lga kiritilgan edi.
LIVERPUL' - SEVIL'Ya (23:45, Match! Arena)
- Bu ikki jamoa 2015/16 Evropa Ligasida finalida to'qnash kelgandi. O'sha o'yinda ispanlar 3:1 hisobida g'alaba qozonishgan.
- EChLning o'tgan mavsumdagi guruh o'yinlarida «Sevilya» yarimhimoyachi Steven Nzonzi 459 marta to'pni sheriklariga oshirgan. Bu ko'rsatkich bo'yicha turnir bo'yicha faqat Marko Verattida (479) undan ko'proq bo'lgandi xolos.
MARIBOR - SPARTAK (23:45, Match TV)
- «Spartak» o'zi qatnashgan so'nggi 11 EChL mavsumidan atigi 1 martasida guruh bosqichini muvaffaqiyatli yakunlagan. 1995/96 yilgi mavsumda moskvaliklar jamoasi chorak final ishtirokchisiga aylanishgandi.
- «Maribor» hujumchisi Markos Tavares jamoasining ushbu mavsumdagi EChL saralashida kiritgan 7 golidan 4tasining muallifidir.
PORTU - BEShIKTOSh (23:45)
- Portugaliya klubi o'zining 22-guruh o'yinlarida qatnashmoqda. Jamoa bu borada «Real» va «Barselona» bilan birgalikda rekord sohibidir.
- «Beshiktosh» ettinchi marotaba EChL guruh bosqichida ishtirok etyapti va ilk bor qatorasiga 2 yil bunday baxtga muyassar bo'lmoqda.
- «Beshiktosh» hech qachon guruh bosqichidan o'ta olmagan.
- «Portu» EChLda g'olib chiqqan yagona Portugaliya klubi hisoblanadi. Portugaliya chempionatidan boshqa hech bir klub hatto EChL finaliga ham chiqa olmagan.
LEYPTsIG - MONAKO (23:45)
- Nemis klubi o'z tarixida ilk bor EChL musobaqasida ishtirok etmoqda. Ushbu mavsumda «Leyptsig» bilan birga faqat «Qorabog'» jamoasi debyutant hisoblanadi.
- Radamel Falkao EChLdagi 15 o'yinda 9 gol muallifiga aylangan. Hujumchi 31 yoshga kirgan bo'lsa-da, atigi uchinchi marotaba bu turnirda ishtirok etmoqda.
Eslatib o'tamiz, barcha uchrashuvlarning xavfli vaziyatlari va gollarini jonli ravishda, online rejimida Match! Futbol 3 telekanali orqali tomosha qilishingiz mumkin bo'ladi.
Qahramon Aslanov tayyorladi
Online
Bosh sahifaga