Yuklab olish"Manchester Yunayted" Kodi Gakponing transferi muvaffaqiyatsizlikka uchragani uchun "Real" yarim himoyachisi Marko Asensioga qiziqish bildirmoqda. Bu haqda Sport.es yozmoqda.
Gap shundaki, Asensioning “qaymoqranglilar” bilan shartnomasi olti oydan keyin yakunlanadi va u boshqa jamoalar bilan yangi shartnoma borasida rasman muloqot o'tkazishi mumkin. Bundan tashqari, avvalroq Asensio "Real"da rotatsiya o'yinchisi bo'lishiga rozi emasligini aytgandi.
Ammo mankunianliklar tezroq harakat qilishga qaror qilishdi va manbaga ko'ra, futbolchini shu qishda qo'lga kiritishmoqchi.
Joriy mavsumda Asensio “Real” safida 15 ta o'yin o'tkazib, 3 ta gol va 3 ta golli uzatmani amalga oshirgan.
Online
Bosh sahifaga