Iguain Benzema "Oltin to'p"ga loyiq deb hisoblaydi

"Real" sobiq hujumchisi Gonsalo Iguain jamoadagi sobiq sherigi Karim Benzemaning muvaffaqiyatlari haqida gapirdi.

U shuningdek madridliklar safida o'ynab yurgan payti ularda qanday munosabatlar bo'lganini aytdi.

"Benzema bilan 19 yoshdan beri tanishman. Biz "Real"ning hujum poziciyasida raqobatchilar edi, ammo shaxsan yaxshi til topishardik. Bizda yaxshi munosabatlar bor edi.

Hozirda uning dunyodagi eng yaxshi hujumchi ekanligidan hayron emasman. U "Oltin to'p"ni olishga loyiq", — deydi Iguain.

O'tgan mavsum yakunlariga ko'ra, 34 yoshli Benzema La Liga va CHempionlar Ligasi to'purariga aylandi. Francuz ayni damda "Oltin to'p" uchun asosiy davogar hisoblanadi.