"Real" Benzemaga Braziliyadan o'rinbosar qidirmoqda

Madridning "Real" klubi "Botafogo" klubining 18 yoshli hujumchisi Mateus Nasimentoni diqqat bilan kuzatib bormoqda.

Ispaniyaning AS nashri xabariga ko'ra, "Real Madrid" 34 yoshli hujumchi Karim Benzemaga o'rinbosar qidirmoqda. Manbaning aniqlik kiritishicha, agar Mateu chindan ham "Real Madrid"ga o'tsa, u "Real Madrid B" jamoasida o'ynaydi. Ilgari Vinisius Junior va Rodrigo ham shunday sinovdan o'tgandi.

18 yoshli Mateus 2020 yilning kuzida "Botafogo" safida debyut qilgan. Braziliya chempionatining joriy mavsumida futbolchi barcha turnirlarda 18 ta o'yin o'tkazib, 7 ta gol urdi va bitta golli uzatmani amalga oshirdi.