Florentino Peres: "Bechora yigitcha afsuslanayotgandir"

"Real" prezidenti Florentino Peres PSJ forvardi Kilian Mbappening qarori haqida gapirdi.

Muxlislar bilan uchrashuv chog'ida Florentino dastlab: "U haqda boshqa gapirmang", dedi.

Keyinchalik gapiga qo'shimcha sifatida: "Bechora yigitcha, o'sha qarori uchun afsuslanayotgandir", deb qo'ydi.

Eslatib o'tamiz, yozda franciyalik forvard "Real"ga o'tishga bir bahya qolgandi. Ammo uning qarorini PSJ to'laydigan 300 million evro o'zgartirdi.