Odriosola "Fiorentina"ga qaytishni xohlamoqda

Madridning "Real" klubi himoyachisi Alvaro Odriosola kelasi mavsumni "Fiorentina" tarkibida o'tkazishni xohlamoqda.

Ispaniyalik futbolchi italyan jamoasi tarkibida uzoqroq qolishni istaydi.

Eslatib o'tamiz, Odriosola o'tgan mavsumni ijara asosida "Fiorentina"da o'tkazdi. Futbolchi "Real"ga qaytsa, asosiy tarkib uchun davogarlik qila olmasligini tushunmoqda.

Qayd etish kerakki, "Real"ning o'zi navbatdagi ijaraga qiziqmayapti. Madrid klubi o'z himoyachisidan to'laqonli asosida qutulmoqchi, ammo "Fiorentina"da bu uchun kerakli mablag' yo'q.