Tchuamenining "Real" bilan shartnoma imzolash sanasi aniq bo'ldi

Orelen Tchuameni tez orada "Real" futbolchisiga aylanadi.

Jurnalist Fabricio Romano xabariga ko'ra, "Monako" yarim himoyachisi "Real Madrid" safida tibbiy ko'rikning yakuniy qismidan o'tadi va 13 iyun sanasida bo'lib o'tadigan Millatlar ligasi doirasidagi Franciya - Xorvatiya uchrashuvidan so'ng darhol Madrid klubi bilan shartnoma imzolaydi. 

"Real" va "Monako" transfer uchun barcha kerakli hujjatlarni rasmiylashtirishgan.

22 yoshli futbolchi o'tgan mavsumda "Monako" safida 50 ta o'yinda maydonga tushib, 5 ta gol urgan.