"Real"ga Gnabri kerak emas

"Real" "Bavariya" futbolchisi Serj Gnabri bilan shartnoma imzolamoqchi emas.

"Marca" xabariga ko'ra, Madrid klubi yozda erkin agentga aylanadigan futbolchiga qiziqish ham bildirmagan. Klubdagilar o'ng qanot yarim himoyasini Rodrigo hamda Marko Asensioga to'liq ishonmoqda. O'z navbatida Vinisius Junior ham talab qilinganda aynan shu poziciyada o'ynay oladi.

SHu sababli "Real" Gnabri variantini ko'rib ham chiqmagan. O'tgan mavsumda germaniyalik futbolchi barcha turnirlarda 45 o'yinda qatnashib, 17 gol va 7 assist qayd etdi.