Anchelotti CHuamenini "Real"ga o'tishga ko'ndirdi

"Real" bosh murabbiyi Karlo Anchelotti "Monako" xavbeki Orelen CHuamenini Madrid klubiga o'tishga ko'ndirdi.

Mutaxassisning shaxsan o'zi bitim shartlarini muhokama qilish uchun unga qo'ng'iroq qildi.

Francuz Toni Kroos, Luka Modrich, Federiko Valverde, Kazemiro va Eduardo Kamavinga bor paytda "Real" tarkibidan joy olishi borasida shubhaga borayotgandi. Murabbiy CHuamenini "Real"ga katta muvaffaqiyatlar olib kela olishiga ishontirdi.

Qayd etish kerakki, yarim himoyachining "Real"ga transferi ushbu haftada amalga oshadi. CHuameni klub bilan besh yillik shartnoma imzolaydi.

CHuameni o'tgan mavsum "Monako" tarkibida barcha musobaqalarda 50ta o'yinda maydonga tushib, 5ta gol va 3ta assist qayd etdi. Yarim himoyachining klub bilan shartnomasi 2024 yilning 30 iyuniga qadar mo'ljallangan.