Klopp "Bavariya"ning Manega qiziqishi xususida: "Sadio bor etiborini CHempionlar Ligasi finaliga qaratgan"

"Liverpul" bosh murabbiyi Yurgen Klopp "Bavariya" qiziqishiga sabab bo'layotgan hujumchi Sadio Manening ketishi mumkinligi haqidagi savolga javob qaytardi.

"Mane hozir hayotidagi eng yaxshi sport formasida. Uning o'yinlarini tomosha qilishdan zavqlanaman.

"Bavariya" haqidagi mish-mishlar borasida hech narsa demayman. Sadio bor etiborini CHempionlar Ligasi finaliga qaratgan. Ammo muhim o'yin arafasida “Bavariya” haqida mish-mishlarga birinchi marta duch kelayotganim yo'q (kuladi).

Mane keyingi mavsumda qaerga bormasin, u qoyilmaqom futbolchi bo'lib qoladi", – dedi germaniyalik mutaxassis.

Eslatib o'tamiz, bugun "Liverpul" Parijda CHempionlar Ligasi finalida Madridning "Real" jamoasi bilan o'ynaydi. Uchrashuv Toshkent vaqti bilan soat 23:59da boshlanishi rejalashtirilgan.