Levandovskining sobiq agenti: "Butun umringiz davomida "Real"ga o'tishni istab, oxir-oqibat "Barselona"ga o'tarmidingiz?"

Robert Levandovskining sobiq agenti Mayk Bartel polyak futbolchisining "Barselona"ga o'tish istagidan hayratda qoldi.

"Bavariya" hujumchisi shartnomasi 2023 yilning yoziga qadar davom etishiga qaramay, jamoasini o'zgartirish niyati borligini ochiqchasiga malum qilgandi.

Bir kun avval esa 33 yoshli hujumchining agenti Pini Zaxavi Robert "o'zi orzu qilgan klubga o'tishni xohlashini" aytgandi.

"Butun umringiz davomida "Real"ga o'tishni istab, oxir-oqibat "Barselona"ga o'tarmidingiz?" - deb yozadi Bartel.