"Real" Lunin ketsa, Ospina bilan shartnoma imzolashi mumkin. Ukrainalik ko'proq o'ynamoqchi

Ukrainalik Andrey Lunin mavsumlar oralig'ida "Real"dan ketishi mumkin.

"Real"ning 23 yoshli zaxira darvozaboni ko'proq o'ynamoqchi, shu sabab jamoasini o'zgartirishga tayyor.

Ispan klubi rahbariyati Lunin ketsa, "Napoli"dan David Ospinani taklif etish variantini o'rganmoqda.

Kolumbiyalik neapolliklarning ushbu mavsumdagi asosiy darvozaboni hisoblanadi, ammo uning shartnomasi ushbu yozda yakuniga etadi.

"Real" Luninning doimiy o'yin amaliyotiga ega bo'lish xohishini tushunadi, ammo shu bilan birga klub uning qolishini xohlaydi.