"Real" Vinisiusning tovon pulini 1 milliard evrogacha ko'tarishga tayyor

"Real" hujumchi Vinisius Junior bilan shartnomani uzaytirish borasida muzokaralar olib bormoqda.

Madridliklar o'yinchiga 2028 yilga qadar shartnoma va yiliga 10 million evro maosh taklif qilishga tayyorlar. Braziliyalikning tovon puli uch barobar ko'tariladi. Narx 350 million evrodan 1 milliard evrogacha chiqishi mumkin.

21 yoshli forvardning "Real" bilan amaldagi kelishuvi 2024 yilning yoziga qadar mo'ljallangan. U 2018 yildan beri jamoada o'ynaydi.

Vinisius 2021/22 yilgi mavsum Madrid klubi safida barcha musobaqalarda 50ta o'yinda maydonga tushib, 21ta gol va 20ta assist qayd etdi.