Benzema La Liganing aprel oyidagi eng yaxshi o'yinchisi deb topildi

"Real" hujumchisi Karim Benzema Ispaniya chempionatining aprel oyidagi eng yaxshi futbolchisi mukofotini oldi.

Franciyalik forvard besh o'yinda to'rtta gol urdi va "Real"ga muddatidan oldin Ispaniya chempioni bo'lishiga yordam berdi.

Mukofot uchun shuningdek Per-Emerik Obameyang ("Barselona"), Ante Budimir ("Osasuna"), Borxa Mayoral ("Xetafe"), Xose Luis Morales ("Levante"), Xoan Moxika ("Elche") va Vedat Muriki ("Malorka") davogarlik qilishgan edi.

Benzema joriy mavsum La Liga doirasidagi 30ta o'yinda maydonga tushib, 26ta gol va 11ta assist qayd etdi.