Gvardiola "Real"ga mag'lub bo'lganidan so'ng nimalar dedi?

"Manchester Siti" bosh murabbiyi Xosep Gvardiola "Real"ga qarshi o'yindagi mag'lubiyatdan so'ng o'z fikrlarini bildirib o'tdi.

"Biz finalga juda yaqin kelgandik. Ammo yakunda buni uddalay olmadik. Barchasi oddiy. 

Birinchi taymda etarli darajada yaxshi o'ynay olmadik, biroq jiddiy muammolarga duch kelmadik. Golimizdan so'ng yaxshi o'ynadik. Biz o'z o'yinimizni, tempni topa oldik, futbolchilar o'zlarini yaxshi his qilishdi. 

"Real" so'nggi 10 daqiqalikda hujum qilib, biz qiynalib qoldik demagan bo'lardim. Ularning ko'p futbolchilari oldinga borishdi. Militao, Rodrigo, Vinisius, Benzema. Ular bosishdi va ikkita gol urishdi. 

Biz eng yaxshi o'yinimizni ko'rsata olmadik. Bu normal holat. Ahir bu yarim final. Futbolchilar bosimni his qilishdi va muvaffaqiyatga erishishni istashdi. 

Futbolni oldindan aytib bo'lmaydi. Buni qabul qilishimiz kerak. Biz qayta fikr qilib, qaytishimiz kerak. Oldimizda to'rtta o'yin turibdi", - dedi Gvardiola.