Peres Mbappe to'g'risida: “Bu haqda hali o'ylamadim, ammo …”

“Real” prezidenti Florentino Peres PSJ forvardi Kilian Mbappening transferi haqidagi savolga javob berdi.

“Bu haqda hali o'ylamadim, ammo buni eslab o'tgan ekansiz, u holda bu haqiqat bo'lishi mumkin. Qachon keyingi mavsum uchun tarkibni rejalashtirishni boshlasak, o'shanda ko'ramiz”, degan Peres.

Avvalroq, parijliklar ustozi Maurisio Pochettino Mbappe 100 foiz jamoada qolishini aytgandi. 23 yoshli futbolchining klub bilan tuzgan shartnomasi yozda o'z nihoyasiga etadi. U joriy mavsum PSJda 43 o'yinda qatnashib, 35+19 natija ko'rsatdi.