Yuklab olish"Real Madrid"
ECHLda yarim finalda kurshani davom ettirayotgan "Real" La Liganing 33 o'yinidan keyin 24 ta g'alaba va 6 durang qayd etdi. 78 ochko va etakchilikdan tashqari jamoa hujumda ham eng sermahsul o'yin ko'rsatmoqda - 69 ta gol. Oxirgi ikki turda "qaymoqranglilar" "Sevilya"ni (3:2) va "Osasuna"ni (3:1) mag'lub etishdi.
Bugun Nacho va Militao diskvalifikaciya, Alaba esa jarohat sabab jamoaga yordam berolmasligi aniq bo'lsa, yana bir qator futbolchilar, hattoki qaydnomaga kirganlar ham murabbiyning qaroriga ko'ra dam olishi kutilmoqda. Axir oldinda "Man Siti"ga qarshi javob bahsi kutib turibdi.
"Espanol"
Bu mavsum "Espanol" avvalgisiga qaraganda yaxshiroq harakat qilmoqda, ammo jamoa ko'plab jihatlarda hali jiddiy ish olib borishi zarurligi turgan gap. Tajribali futbolchilar etishmovchiligi o'z so'zini aytmoqda. Ispaniya Kubogida "Ponferradina" va "Palensiya"ni engib o'tgan barselonaliklar 1/8 finalda "Malorka"ga imkoniyatni boy berdi.
Ispaniya chempionatida 33-turdan keyin Visente Moreno jamoasi 10 g'alaba va 9 durang bilan 39 ochko jamg'arib, 13-pog'onani band etib turibdi. 10 aprel kuni "Selta" ustidan qozonilgan g'alabadan keyin (1:0) mehmonlar ikkita o'yinda mag'lub bo'lishgan.
Bugun jamoaga jarohat sabab Oskar Gil va Keydi Bare yordam bera olmaydi.
| Real Madrid | LaLiga . 34-tur 30/04/2022, 19:15 - : - Boshlanmadi | Espanyol |
Stadion: Estadio Santiago Bernabeu
Bosh hakam: Jose Munuera
Match-senterda ochishBu bahsda mezbonlar qanday tarkibda maydonga tushgan taqdirda ham favorit bo'lib qolaveradi. Albatta, kim ham chempionlikni o'z stadionida nishonlashni xohlamaydi? Qo'shimchasiga, "Siti"ga qarshi og'ir va muhim uchrashuv oldidan bu g'alaba pozitiv kayfiyatga sabab bo'ladi. Barselonaliklar esa so'nggi turlarda ancha horg'in ko'rinishmoqda.
Online
Bosh sahifaga