Benzemada Ronalduning rekordiga etib olishi uchun bitta gol qoldi

"Real" futbolchisi Karim Benzema ECHL yarim final o'yinida (3:4) "Manchester Siti" darvozasiga ikkita gol urdi.

Endi franciyalik futbolchining hisobida pley-offlardagi to'qqizta gol bor. Turnir tarixida u mazkur ko'rsatkich bo'yicha ikkinchi o'ringa chiqib oldi. 

ECHL pley-offlarida gol urish bo'yicha rekordchi Krishtianu Ronaldu hisoblanadi. U 2017 yilgi mavsumda "Real" safida 10 ta gol urgan. 

Bu borada uchinchi o'rin Lionel Messi (8 ta gol), to'rtinchi o'rin esa Neymarga (7 ta gol) tegishli.