Luka Modrich "Real" bilan yangi shartnoma imzolashga yaqin

"Real" yarim himoyachisi Luka Modrich klub bilan 2023 yilning iyuniga qadar mo'ljallangan yangi shartnoma bo'yicha kelishuvga erishdi.

Tomonlar yangi bitimni muhokama qilishmoqda. Klub va futbolchi hamkorlikning davom etishini xohlaydi.

Modrich joriy mavsum madridliklar tarkibida barcha musobaqalarda 37ta o'yinda maydonga tushib, 3ta gol va 9ta assist qayd etdi.

Amaldagi shartnoma 2022 yilning yoziga qadar mo'ljallangan.