Modrich Qatar klubiga o'tishni rad etdi

Madridning "Real" klubi yarim himoyachisi Luka Modrich Qatar klubidan bo'lgan taklifni rad etdi.

Jurnalist Ekrem Konurning xabariga ko'ra, 36 yoshli xorvatiyalik hozirgi jamoasida qolishni maqul ko'rgan.

Modrich "Real"ga 2012 yilning yozida "Tottenxem"dan o'tgan edi. Yarim himoyachi "Real" tarkibidagi 10 yil davomida 429ta o'yinda maydonga tushib, 31ta gol va 70ta assist qayd etgan. U joriy mavsum 38ta bahsda 3ta gol urishga erishdi.

Futbolchining "qirollik klubi" bilan tuzgan amaldagi shartnomasi yozda yakuniga etadi.