Zinchenko "Real"ni ECHL qiroli deb atadi

"Manchester Siti" futbolchisi Aleksandr Zinchenko ECHLda "Real"ga qarshi o'yinlar oldidan fikrlarini bildirdi.

"Real" - ECHL qiroli. O'tgan yillar davomida ushbu klub ko'plab sovrinlarni yutdi, dunyoning eng yaxshi klublaridan biri. Ularga qarshi ko'plab bahslar o'tkazganmiz.

Endi buyog'iga hamma o'yin finalga teng. Ikkita sovrinni qo'lga kiritish uchun imkoniyatlarimiz bor va ikkisini ham yutishga harakat qilamiz. Benzema - dunyoning eng yaxshi hujumchilaridan biri. Uning gollari - aqlbovar qilmas darajada ajoyib", - dedi Zinchenko.

"Manchester Siti" va "Real" o'rtasidagi dastlabki bahs 27 aprel, javob bahsi esa 4 may kuni bo'lib o'tadi.