Asensio London klubiga o'tishi mumkin

"Real" yarim himoyachisi Marko Asensio faoliyatini "Tottenxem"da davom ettirishi mumkin.

Futbolchining agentlari unga London klubiga o'tishni taklif qilishdi.

Xavbekning "Real" bilan shartnomasi 2023 yilning yoziga qadar mo'ljallangan. Tomonlar hali yangi kelishuv borasida kelishuvga erishishmadi. "Real" futbolchini 32 mln evro atrofidagi mablag' evaziga qo'yib yuborishga tayyor.

Asensio joriy mavsum "Real" safida 31ta o'yinda maydonga tushib, 10ta gol va 1ta assist qayd etdi.