"Real" yozda Azarni ijaraga berishni rejalashtirmoqda

Madridning "Real" klubi yarim himoyachi Eden Azar bilan nima qilish haqida bosh qotirishda davom etmoqda.

Hozirgi murabbiylar shtabi belgiyalik futbolchining o'yinlaridan qoniqmayapti. Uning doimiy jarohatlari esa salbiy taassurot qoldirmoqda.

"Real Madrid" kelasi mavsumda uni ijaraga berish variantini ko'rib chiqmoqda. 

Agar Mbappe transferi amalga oshsa, Azar klubda deyarli o'ynay olmaydi, o'yin amaliyoti hajmi yanada qisqaradi. Yagona variant – ijara. Agar futbolchi boshqa klubda o'ynab keta olsa, arzon narxda sotiladi.

Qayd etish kerakki, madridliklarning yozdagi vazifasi maosh fondini qisqartirishdir. Azar yiliga 15 million evro oladi.