"Nyukasl" yozda Rodrigo bilan shartnoma imzolashni xohlaydi

"Real" hujumchisi Rodrigo "Nyukasl Yunayted"ga o'tishi mumkin.

Manbaning xabariga ko'ra, "Qirollik klubi" yozda Rodrigoni arzonlashtirilgan narxda sotishga tayyor ekanliklari haqidagi xabarlar tarqalgach, britaniyaliklar bo'lajak transfer oynasida braziliyalik vingerni ustuvor variant sifatida ko'rmoqda.

"Nyukasl" xo'jayinlari yangi o'yinchilarni sotib olish uchun klubga 100 million funt sterlingdan ko'proq mablag' ajratmoqchi.

Braziliyalik futbolchining "qaymoqranglilar" tarkibining "metin" o'yinchisi emasligi ham "qirqlar" foydasiga hal bo'lishi mumkin: Rodrigo joriy mavsumda "Real"ning La Ligadagi 29 o'yinida atigi 10 marta asosiy tarkibda maydonga tushdi va birorta o'yinni to'liq o'tkazmadi.

Transfermarkt 21 yoshli o'yinchini 40 million evroga baholagan.