Eden Azar va Yovichga "Milan" qiziqish bildirmoqda

"Real" futbolchilari Eden Azar va Luka Yovichga "Milan" klubidan qiziqish bor.

Milan klubi Yovichni yoshi katta hujumchilar Olive Jiru va Zlatan Ibragimovichga ehtimoliy o'rinbosar sifatida ko'rmoqda. Azar "Milan" rahbarlarining g'oyasiga ko'ra Rafael Leau bilan raqobat tashkil qilishi mumkin.

Paolo Maldini "Real" bilan bo'lajak uchrashuvda Yovich va Azar borasida so'ramoqchi. Uchrashuvda Braim Diasning kelajagi ham muhokama qilinadi.

Eden Azar va Luka Yovich "Real"ga 2019 yilning yozida kelib qo'shilishgan edi, ammo ular turli xil sabablarga ko'ra, Madrid klubi asosiy tarkibidan o'rin ola bilishmadi.