“Monako”ning sobiq vice-prezidenti: “U butun umr “Real”ni orzu qilgan”

“Monako”da ishlagan Vadim Vasilev hozirda PSJda o'ynayotgan Kilian Mbappe haqida gapirdi.

“Kilianning orzusi – “Real”. U Madridda o'ynashni xohlashini hech qachon yashirmagan. U tez orada yakuniy qarorni qabul qiladi. “Ijobiy” hamda “salbiy” munosabat bildiradiganlar bo'ladi, ammo bundan qochib bo'lmaydi.

Kilianga to'la ishonaman. U, albatta, rivojlanishi uchun to'g'ri qadam tashlaydi. Ota-onasining fikrini tinglaydi, maslahatlashadi. Mbappening ota-onasi farzandlarining faoliyatiga to'g'ri yondashgan holda boshqarishning yaqqol namunasidir”, deydi Vasilev.