"Real" Vinisius bilan shartnomani uzaytirmoqchi

Madridning "Real" klubi braziliyalik vinger Vinisius Juniorga yangi shartnoma taklif qiladi.

Manbaning xabariga ko'ra, hozir "qirollik klubi" shartnoma tayyorlamoqda, muzokaralarning o'zi esa mavsum yakunida bo'lib o'tadi. Vinisiusning amaldagi shartnomasi 2024 yilgacha mo'ljallangan.

Qayd etilishicha, "qaymoqranglilar" prezidenti Florentino Peres Vinisiusning Kilian Mbappe bilan birga o'ynashini istamoqda.

Braziliyalik futbolchi joriy mavsumda "Real" safida barcha turnirlarda 38 ta o'yinda maydonga tushib, 17 ta gol urdi va 14 ta golli uzatmani amalga oshirdi.