"Manchester Siti" va "Real" Tilemansga qiziqmoqda. "Lester" yarim himoyachini 40 mln evroga sotishga tayyor

"Manchester Siti" va "Real" "Lester" yarim himoyachisi Yuri Tilemansga qiziqish bildirmoqda.

"Manchester Siti" vakillari doimiy ravishda 24 yoshli belgiyalikning agenti bilan aloqadalar.

Qayd etish kerakki, "Real" yarim himoyachini Luka Modrich, Toni Kroos yoki Kazemiroga o'rinbosar sifatida ko'rmoqda.

"Lester" Tilemansni yozgi transfer oynasi vaqtida 40 million evroga sotishga tayyor.

Tilemans joriy mavsum "Lester" libosida 33ta o'yinda maydonga tushib, 7ta gol va 3ta assist qayd etdi. Xavbekning ingliz klubi bilan shartnomasi 2023 yilning 30 iyuniga qadar mo'ljallangan.