"Real" "Rayo Valekano"dan o'z tarbiyalanuvchisi bo'lgan Fran Garsiyani qaytarmoqchi

"Real" himoyachi Fran Garsiyani "Rayo Valekano"dan qaytarmoqchi.

Madrid klubi 22 yoshli ispaniyalik futbolchini Marseloga o'rinbosar sifatida ko'rmoqda.

Garsiya - "Real" tarbiyalanuvchisi, u "Rayo Valekano"ga 2021 yilning iyulida o'tgan edi, ammo "qaymoqranglilar" futbolchining 50 foiz huquqini o'zlarida saqlab qolishgan. Madridliklar o'yinchini qayta xarid qilishlari uchun 5 million evro kerak bo'ladi.

Garsiya 2021/22 yilgi mavsum "Rayo Valekano" tarkibida 26ta o'yinda maydonga tushib, 1ta gol va 1ta assist qayd etdi.