Aguero Messini himoya qilib chiqdi

Argentinalik mashhur futbolchi Serxio Aguero PSJda o'ynayotgan vatandoshi Lionel Messini himoya qildi.

34 yoshli hujumchi "Real"ga qarshi CHL 1/8 finalida penaltidan gol urolmaganidan so'ng tanqidlarga uchradi.

"Ha, u penaltida omadsizlikka uchradi, biroq Leo yaxshi o'ynadi. U mening do'stim bo'lgani uchun bunday deganim yo'q. SHunchaki Messi rostan ham zo'r to'p tepdi. U juda yaxshi va faol ko'rindi. Afsuski, penalti pand berdi, ammo bu hamma bilan ro'y berishi mumkin. 

Franciya nashrlari uni yo'q qilmoqda. Bir to'da ahmoqlar. Men Franciyaning bir jurnali bilan intervyu bo'yicha kelishib olgandim. Biroq men Messini qo'llab-quvvatlash belgisi sifatida buni rad etdim. Men ulardan g'azabdaman", – dedi Aguero.