ECHL. Messi Anrining antirekordini takrorladi

ECHL 1/8 finalida PSJ 1:0 hisobida “Real”dan ustun keldi.

Uchrashuvning 62-daqiqasida parijliklar penalti tepish imkoniyatiga ega bo'lishdi va nuqtaga yaqinlashgan Lionel Messi undan foydalana olmadi.

34 yoshli futbolchi musobaqada 5-marotaba (23 urunishdan) penaltini golga aylantira olmadi. U “Arsenal” va “Barselona” sobiq azosi Terri Anrining antirekordini takrorladi. Ulardan keyingi o'rinlarda esa Serxio Aguero va Rud Van Nistelroy.(4 tadan noaniq zarba) borishmoqda.

Eslatib o'tamiz, Messi faoliyati davomida 436 bahsda qatnashib, 679 ta gol urgan. Ulardan 182 tasi g'alaba gollari bo'lsa, 84 tasi penaltidan urilgan.