"Real" Vinisius bilan shartnomani uzaytiradi

Madrid klubi tez orada braziliyalik hujumchi Vinisius Junior bilan kelishuvni uzaytirishni rejalashtirmoqda.

Bu haqda insayder Nikolo Skira xabar bermoqda.

Manbaning aytishicha, yangi shartnoma 2027 yilning iyuniga qadar mo'ljallangan bo'ladi va braziliyalik futbolchining maoshi ham oshiriladi. U ayni paytda "Real" asosiy tarkib futbolchilarining deyarli barchasidan kam, Andrey Lunin va Xesus Valexo bilan esa teng miqdorda maosh oladi. 

Vinisius La Liga ushbu mavsumida 21 o'yinda 12 ta gol urdi va 6 ta golga assistentlik qildi.