Tuxel "CHelsi"da Militaoni ko'rishni xohlaydi

"CHelsi" bosh murabbiyi Tomas Tuxel klub rahbariyatidan yozda "Real" himoyachisi Eder Militaoni sotib olishni so'radi.

Ushbu mavsumda braziliyalik futbolchi "qaymoqranglilar" tarkibida asosiy futbolchilardan biriga aylandi.

Sky Sports malumotlariga ko'ra, Militao markaziy himoya poziciyasi uchun variant sifatida ko'rib chiqilmoqda, chunki "CHelsi" mavsum so'ngida uchta nominal o'yinchisini yo'qotishi mumkin. Braziliyalik futbolchini taklif qilishga shaxsan Tomas Tuxel qiziqmoqda.

Joriy mavsumda Militao Ispaniya chempionatida 21 ta o'yinda maydonga tushib, bir gol va bitta golli uzatmaga mualliflik qilgan. Futbolchi 2019 yilning yozida "Portu"dan "Real"ga o'tgandi.