"Mbappe yangi mavsumda "Real"da o'ynaydi, bunga kafolat beraman, aks holda ishdan ketaman". Jurnalist Pedrerol PSJ forvardi haqida

Jurnalist Xosep Pedrerol El Chiringuito TV efirida PSJ hujumchisi Kilian Mbappening mavsum so'nggida "Real"ga o'tishini aytdi.

"Mbappe kelasi mavsumda "Real"da o'ynaydi, men bunga kafolat beraman. Agar aksi bo'lsa - ishdan ketaman", - deydi Pedrerol.

23 yoshli forvardning PSJ bilan shartnomasi yozda yakuniga etadi, u har qanday klubga tekinga o'tishi mumkin.

Ushbu haftada Parij klubida Mbappening yangi qisqa muddatli shartnoma imzolashiga ishonch oshayotgani haqida xabar yangragan edi.