Vinisius La Ligada noyabrning eng yaxshi futbolchisi bo'ldi

"Real" yarim himoyachisi Vinisius Junior La Ligada noyabrning eng yaxshi futbolchisi bo'ldi.

U Ispaniya chempionatida noyabr oyidagi uchta o'yinida 2 ta gol urib, to'purarlar ro'yxatida 10 ta gol bilan ikkinchi o'ringa ko'tarilib oldi. Undan faqatgina jamoadoshi Karim Benzema ko'p gol urgan (12 ta gol). 

Braziliyalik futbolchidan tashqari ushbu mukofotga Antuan Grizman, Xuanmi Ximenes, Diego Lopes, Memfis Depay, Oskar Trexo va Xoselu davogarlik qilgandi. 

Oktyabr oyida La Liganing eng yaxshi futbolchisi uchun atalgan mukofot "Real Sosedad" azosi Roben Le Normenga berilgandi.