"Real" Modrich bilan shartnomani uzaytirish ustida ishlamoqda

"Real" yarim himoyachi Luka Modrich bilan shartnomani uzaytirishni rejalashtirmoqda.

Jurnalist Fabricio Romanoning xabariga ko'ra, "qirollik klubi" 36 yoshli xorvatga 2023 yilning iyun oyi so'nggiga qadar mo'ljallangan yangi bitim taklif etmoqchi.

Ikki tomon ham hamkorlikni davom ettirishga tayyor va kelishuvga erishishga yaqinlar.

Modrich 2021/22 yilgi mavsum jamoa safida 17ta o'yinda maydonga tushib, 5ta assist qayd etdi. 2012 yilning avgustidan beri Ispaniyada o'ynayotgan xavbekning amaldagi shartnomasi 2022 yilning iyun oyi so'nggiga qadar mo'ljallangan.