Ramosning PSJdagi maoshi malum bo'ldi - bu "Real" muxlislariga yoqmasligi aniq

Himoyachi Serxio Ramos PSJda yiliga 6 million maosh oladi, "Real Madrid"dan u 12 mln so'ragandi (L’Équipe).

L’Équipe yozishicha, ispaniyalik yiliga barcha soliqlardan keyin 6 million evro ishlab topadi. Bu PSJ futbolchilari ichida eng katta maoshlardan biri hisoblanadi.

Yozda PSJ safiga kelib qo'shilgan barcha boshqa futbolchilar kabi Ramos shartnoma imzolagani uchun bonus puli olmagan.

Eslatib o'tamiz, ispaniyalik sportchi "Real"dan yiliga 12 million evro maosh talab qilgandi.

35 yoshli futbolchi jarohati sabab hozircha parijliklar safida maydonga tushmadi.