“Real” forvardi uchun kurashga “Liverpul” ham qo'shildi

Luka Yovich faoliyatini APLda davom ettirishi mumkin.

"Fichajes" manbasiga ko'ra, 23 yoshli serbiyalikka “Liverpul” qiziqish bildirmoqda. “Qizillar” ustozi Yurgen Klopp shaxsan o'zi futbolchini jamoaga olib kelishni so'ragan.

Avvalroq, Yovichga “Arsenal” va “Vest Xem” qiziqayotgani aytilgandi. SHuningdek, “Inter” ham u bilan shartnoma imzolamoqchi.

Eslatib o'tamiz, Luka Yovich o'tgan mavsumni ijara asosida “Ayntraxt”da o'tkazib, 18 o'yinda 4 gol urgandi. 2021/22 yilgi mavsum esa u “Real” libosida 6 uchrashuvda bitta golli uzatmaga mualliflik qildi. Uning madridliklar bilan tuzgan shartnomasi 2025 yil yozida tugaydi.