"Arsenal" Asensioning "Real"dagi holatini kuzatishda davom etmoqda

"Arsenal" "Real" yarim himoyachisi Marko Asensioga qiziqish bildirmoqda.

London klubi futbolchini yanvar oyida sotib olishga harakat qiladi.

"Arsenal" yozda Asensio bilan shartnoma imzolamoqchi edi, ammo "kanonirlar"ning taklifi rad etildi. Endi London klubi yana futbolchi uchun taklif yubormoqchi.

Avvalroq futbolchi Madrid klubidagi mavqeidan norozi ekani haqida xabar berilgandi. Transfermarkt.com portali futbolchini 35 million evroga baholamoqda.

Joriy mavsumda Asensio 6 ta o'yinda atigi 140 daqiqa o'ynadi va "Malorka" bilan uchrashuvda 3 ta gol urdi (6:1).