Emeri "Real" bilan durang haqida: "Imkoniyatlardan unumli foydalanishda oqsadik"

"Vilyarreal" bosh murabbiyi Unai Emeri La Liga 7-turi doirasidagi Madridning "Real" klubi bilan nursiz durangdan so'ng o'z fikrlarini bildirdi.

"Biz o'z g'oyamizni amalga oshirishda barqarorlikka erishishimiz kerak, keyin kichik detallar ustida ishlashimiz lozim, buning natijasida biz g'alaba qozonishimiz mumkin. "Elche"ga qarshi o'yinda (4:1) hamma narsani to'g'ri bajara oldik. Bugun esa "Real"ni zararsizlantirdik. Biroq imkoniyatlardan unumli foydalanishda oqsadik.

Ishonamanki, biz to'g'ri yo'ldamiz. Bugun munosib o'yin ko'rsatdik va shu ruhda davom etishimiz kerak", – dedi Emeri.

"Vilyarreal"ning keyingi o'yini 29 sentyabr kuni CHempionlar ligasi doirasida mehmonda "Manchester Yunayted"ga qarshi kechadi.