"Real" La Ligada qatorasiga 25 o'yindan buyon yutqazmayapti – 18 g'alaba, 7 durang

"Real Madrid" Ispaniya chempionati 7-turi doirasida "Vilyarreal" bilan uchrashdi (0:0).

Madrid klubi chempionatda qatorasiga 25 bellashuvdan (6 fevral) buyon mag'lubiyat nimaligini bilmay kelmoqda.

O'tgan davr mobaynida "Real" Zinedin Zidan va Karlo Anchelotti qo'l ostida 18 g'alaba hamda 7 durang qayd etdi.

Bugungi uchrashuvlardan so'ng "Real" La Liga etakchiligini saqlab qolmoqda. Jamoa hisobida 17 ochko mavjud, to'plar farqi - 21:8.