Isko "Lion"ga o'tishi mumkin

"Real" yarim himoyachisi Isko faoliyatini Franciya chempionatida davom ettirishi mumkin.

O'yinchiga "Lion" qiziqish bildirmoqda va Madrid klubiga o'yinchi borasida yanvarda taklif bermoqchi.

Oldinroq xabar berilganidek, Iskoga shuningdek "Yuventus" va "Milan" klublari qiziqish bildirmoqda. Ispaniyalik futbolchining "qaymoqranglilar" bilan shartnomasi 2022 yilning o'rtalariga qadar mo'ljallangan.

Eslatib o'tamiz, Isko "Real"ga 2013 yilda "Malaga"dan 30 mln evro evaziga o'tgan edi. U joriy mavsum La Liga doirasidagi 4ta o'yinda maydonga tushdi.