Azar: "Real"da baxtliman"

"Real" yarim himoyachisi Eden Azar Madrid klubidagi o'rni haqida gapirdi. U Ispaniya poytaxtida baxtli ekaniga ishonadi.

"Real"da biror narsadan norozi bo'lmaganman. Bu erda juda baxtliman, hozir esa ko'proq maydonga tushishni va gol urishni xohlayman. Madridda baxtliman, bu erda yashash menga yoqadi. Ishonchim komilki, hali ham jamoaga ko'p yordamim tegadi", — dedi belgiyalik futbolchi.

Eslatib o'tamiz, Azar 2019 yilda "CHelsi"dan "Real"ga 115 million evro evaziga ko'chib o'tgandi. Ushbu mavsumda u uch marta maydonga tushdi va bitta golli uzatmani amalga oshirdi. Hozirda futbolchi Belgiya terma jamoasi ixtiyorida.