Ispaniya terma jamoasining Lixteynshteyn va Italiyaga qarshi tarkibi bilan tanishing

Ispaniya terma jamoasi bosh murabbiyi Xulen Lopotegi Jahon chempionati saralash uchrashuvi doirasida Lixteynshteyn va Italiyaga qarshi tarkiblarni e'lon qildi. Unga ko'ra "qizil furiya" tarkibiga "Real Madrid"dan 5 nafar futbolchi jalb etildi: Serhio Ramos, Nacho, Karvaxal, Isko va Marko Asensio. E'tiborli tarafi 3 yillik tanaffusdan so'ng terma jamoaga sobiq "Barselona" hujumchisi David Vilya ham chaqirildi. Shuningdek, terma jamoa libosida "Milan" futbolchisi Suso ham o'z debyutini o'tkazishi kutilmoqda.

Ma'lumot uchun, Ispaniya terma jamoasi 2-sentyabr kuni Italiya va 5-sentyabr kuni Lixteynshteyn bilan uchrashuv o'tkazadi.